د کرنې وزارت د اراضۍ رياست لخوا پوهنې وزارت ته ځمکه ولېږدول شوه
۵ زمری ۱۴۰۴ هـ.ش
۲ صَفَر المُظَفَّر ۱۴۴۷ هـ.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د پوهنې وزارت د ښوونځيو او املاکو د ساتنې رييس مولوي سميع الحق حماس ګډون درلود د اراضۍ لوی رياست لخوا پوهنې وزارت ته ځمکه ولېږدول شوه
ياده ځمکه د پوهنې وزارت په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لخوا یاد وزارت ته پکتيکا ولايت مرکز شرنه کې په۳۰ جريبه ځمکه باندې د جهادي مدرسې د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د پوهنې وزارت د پوهنې وزارت د ښوونځيو او املاکو د ساتنې رييس مولوي سميع الحق حماس ترمنځ لاسلیک شوه.
