پکتیکا ولایت کې د هندواڼو کروندو څخه لیدنه وشوه
۲۵ چنګاښ ۱۴۰۴ ه.ش
۲۰ مُحَرَّمُ الحَرام ۱۴۴۷ه.ق
د پکتیکا ولایت د کرنې، اوبو لګولو او مالدارۍ ریاست د مټاخان ولسوالی پوټیانو په سیمه کې د کرنیزو چارو مدیرانو له خوا د کرل شوو هندواڼو کروندو څخه څارنه او ارزونه ترسره شوه.
په دې لیدنه کې د کرنیزو چارو متخصصینو د کروندو وضعیت وارزاوه او ځایي بزګرانو ته یې د خړوبولو، خیشاوې، سرې ورکونې، د نباتي آفتونو او ناروغیو د مخنیوي په برخه کې مسلکي مشورې او سپارښتنې وړاندې کړې.
یاده لیدنه د کروندګرو د تولید د لوړوالي، حاصلاتو د زیاتوالي او د کرنیزو خدمتونو د ښه والي په موخه ترسره شوې ده.
د پکتیکا د کرنې ریاست مسؤلین ژمن دي، چې د ولایت په بېلابېلو سیمو کې ورته لیدنې دوامداره وساتي تر څو بزګرانو ته په وخت او مؤثرې تخنیکي مشورې وړاندې کړي.
