کندهار ښار کې د لبنیاتو ثبت او شرطپاڼو وېشل لړۍ پیل شوه
د کندهار د کرنې، اوبو لګولو او مالدارۍ ریاست تر رهبرۍ لاندې، د مالدارۍ آمریت په تخنیکي همکارۍ د کندهار ښار په ۱۵ ناحیو کې د لبنیاتو راټولونکو او پلورونکو د ثبت او شرطپاڼو وېش لړۍ پیل شوه. دغه بهیر د شېدو راټولونکو او لبني محصولاتو پلورونکو د تنظیم، راجستر او رسمي شناخت په موخه ترسره کېږي.
د کندهار دکرنې ریاست د مالدارۍ آمریت د لبنیاتو مدیریت مسؤل حاجي محمد کلیوال وایي، د یادې پروسې له لارې به نه یوازې لبنیات ثبت او راجستر شي، بلکې دوی ته به د کرنې وزارت له خوا ترتیب سوې شرطپاڼې هم ووېشل شي. نوموړي زیاته کړه، چې د ثبت او وشرطپاڼو وېشلو پر مهال د لبنیاتو له مرکزونو څارنه هم ترسره کېږي، تر څو د لبنیاتو د کیفیت، شرایطو او فعالیتونو کره ارزونه وشي.
د دې څارنې او ثبت موخه د کندهار ښار د لبنیاتو دقیق شمېر معلومول، په رسمې توګه د لبنیاتو پلورنکو ثبت او دکرنې وزارت د اصولو او مقرارتو له مخې د لبنیاتي فعالیتونو تنظیمول دي.
