د کرنې وزارت د اراضۍ رياست لخوا د افغانستان بانک ته ځمکه ولېږدول شوه
۲۲ چنګاښ ۱۴۰۴ ه.ش
۱۷ مُحَرَّمُ الحَرام ۱۴۴۷ه.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د افغانستان بانک د املاکو او جايدادونو لوی آفیسر الله محمد افغانیار ګډون درلود د اراضۍ رياست لخوا د افغانستان بانک ته ځمکه ولېږدول شوه
ياده ځمکه د افغانستان بانک په وړانديز او د عالیقدر امیرالمؤمنین (حفظه الله تعالی) د حکم په اساس د کرنې وزارت د اراضۍ رياست لخوا یادې ادارې ته د پکتیا ولايت مرکز د ګردېز ښار دويمه ناحیه کې په ۱۰۱۶ متر مربع مساحت ځمکه باندې د زړو پیسو د سوځولو مرکز د جوړولو په موخه ولېږدول شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د افغانستان بانک د املاکو او جايدادونو لوی آفیسر الله محمد افغانیار ترمنځ لاسلیک شوه.
