د میدان وردګو سیدآباد کې د مڼو متراکم بڼونه جوړېږي
۲۱ چنګاښ ۱۴۰۴ ه.ش
۱۶ مُحَرَّمُ الحَرام ۱۴۴۷ه.ق
د میدان وردګو ولایت د کرنې، اوبولګولو او مالدارۍ ریاست د سټارزې مؤسسې په همکارۍ ددې ولایت د سیدآباد ولسوالی کې یوشمېر بڼوالو ته د مڼو متراکم بڼونه جوړوي.
دغه متراکم بڼونه په دې ولایت کې د مڼو د متراکمو بڼونو د دودولو په پار جوړېږي، ترڅو بڼوال د دغو بڼونو حاصلاتو ته په کتو نور بڼوال هم یادو بڼونو جوړولو ته لېوالتیا پیدا کړي دي.
د میدان وردګو ولایت د کرنې ریاست چارواکي وایي، چې د مېوو متراکم بڼونه جوړول په دې ولایت کې د بڼوالۍ په برخه کې بې ساري پرمختګ دی.
باید وویل شي، چې د میدان وردګو ولایت دکرنې ریاست سربېره، چې د متراکمو بڼونو د دودولو په پار هلې ځلې کوی کروندګرو ته تصديق شوي نيالګي ورکوی، له هغوی سره د باغونو په نقشه اچولو، د اوبولګولو د سيسټم په جوړولو او د بڼوالۍ د مديريت اړوند ځينو نورو برخو کې هم تخنيکي او فني مرستې کوي.
