پکتیکا کې حیواني او نباتي درمل پلورونکو سره غونډه وشوه
۱۸ چنګاښ ۱۴۰۴ ه.ش
۱۳ مُحَرَّمُ الحَرام ۱۴۴۷ه.ق
د پکتیکا د کرنې، اوبولګولو او مالدارۍ ریاست د ترویج اړوند د بوټوساتنې او قرنطین په عمومي مدیریت کې د حیواني او نباتي درملو پلورنکو سره یوه مشورتي غونډه ترسره شوه.
په غونډه کې د پکتیکا دکرنې ریاست د مدیریت مسلکي کارکوونکو، او د درملو پلورونکو ګډون کړی و.
د غونډې په جریان کې ګډونوالو ته د تاریخ تېرو، بیکیفیته او بې لیبله درملو د مخنیوي، د درملو او واکسینونو د ساتلو مناسبو شرایطو، د حیواني او نباتي درملو د جلا ساتنې، او همداراز د درملو د پلور لپاره د مناسب چاپېریال برابرولو په اړه مهمې لارښوونې وړاندې شوې.
