ننګرهار کې دچرګانو ددانې کیفیت لوړولو په موخه دهمغږۍ ناسته ترسره شوه
۹ چنګاښ ۱۴۰۴ ه.ش
۴ مُحَرَّمُ الحَرام ۱۴۴۷ه.ق
د ننګرهار د کرنې، اوبو لګولو او مالدارۍ رییس مولوي محمد ولي محسن د ننګرهار ولایت په کې دچرګانو ددانې تولیدوونکو شرکتونو او چرګانو ټولنې مسؤلینو سره د دانې د کیفیت لوړولو او کرنې وزارت د کړنلارو مطابق د اجرااتو ترسره کولو په موخه ناسته ترسره کړه.
د ننګرهار د کرنې رییس مولوي محمد ولي محسن تولیدوونکو ته د باکیفته دانې تولید، پر بوجیو لیبل وهلو، د معیاري ګودامونو جوړولو، کیمیاوی موادو لپاره سړې خونې جوړولو او مجهز لابراتوار برابرولو سپارښتنې وکړې.
همدارنګه د فابریکې مسؤلینو خپلې ستونزې، غوښتنې او وړاندیزونه د ننګرهار د کرنې رییس سره شریکې کړې؛ چې د ستونزو حل ډاډ ورکړل شو.
دغه راز د فابریکو مسؤلینو څخه د باکیفیته دانې تولید او لیبل په برخه کې استحضاري هم واخیستل شوه.
