خوست کې یوشمېر بزګرانو ته د شنوخونو جوړولو چارې روانې دي

د خوست دکرنې، اوبولګولو او مالدارۍ ریاست چارواکي وایي، د ملګرو ملتونو د پراختیایي ادارې په همکارۍ په دې ولایت کې د موسمي سبو د کرکیلي دودولو او د بزګرانو د ملاتړ په پار ۲۱ شنې خونې جوړېږي، چې د دغو شنوخونو رغنیزې چارې په منظم ډول روانې دي.
د خوست دکرنې ریاست چارواکي وایي، چې دغه شنې خونې د خوست ولایت په مرکز کې جوړېږي، چې رغنیزې چارې یې پیل شوي دي او ډېر ژر به ګټې اخیستنې ته وسپارل شي.
د یادونې وړ ده، چې د خوست ولایت مرکز او ولسوالیو کې د۶۴ بابه شنو خونو جوړولو چارې عملاً روانې دي او د یادو ۶۴ بابه شنو خونو له ډلې څخه په مرکز کې د۲۱ بابه شنونو خوړولو ابتدایي چارو څخه نظارت ترسره شو.
دغه شنې خونې په ټولو موسمونو کې سابه او ترکاریو ته دخوست د خلکو د لاس رسي، د موسمي تولیداتو زیاتوالی او په بازارونو کې د کرنیزو حاصلاتو د ډېرښت په پار په دې ولایت کې جوړېږي.