د کرنې وزارت د اراضۍ لوی رياست لخوا افغاني سرې میاشتې ټولنې ته ځمکه انتقال شوه
۲۳ غویی ۱۴۰۴ ه.ش
۱۵ ذُو ٱلْقَعْدَةِ ۱۴۴۶ه.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د افغاني سرې میاشتې ټولنې د تعميرونو او املاکو آمر انجنير هدايت الله مايار ګډون درلود د اراضۍ لوی رياست لخوا د افغاني سرې میاشتې ټولنې ته ځمکه ولېږدول شوه
ياده ځمکه د افغاني سرې میاشتې ټولنې په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یادې ادارې ته پکتيا ولايت مرکز کې په تقريباً ۱۳ جريبه ځمکه باندې د افغاني سرې میاشتې ټولنې مرکزي زون لپاره د دفترونو د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د افغاني سرې میاشتې ټولنې د تعميرونو او املاکو آمر انجنير هدايت الله مايار ترمنځ لاسلیک شوه.
