د کندهار دامان کې پر سلګونو بزګرانو د سبو اصلاح شوي تخمونه او سرې ووېشل شوې

۸ غویی ۱۴۰۴ ه‍.ش
۳۰ شَوّالُ المُکَرَّم ۱۴۴۶ه‍.ق
د کندهار د کرنې، اوبو لګولو او مالدارۍ ریاست په هڅو، د ملګرو ملتونو د خوړو او کرنې ادارې «اف،اې،او» په مالي او د اکټېډمؤسسې په تخنیکي همکارۍ ددې ولایت د دامان ولسوالی پر ۱۵۰۰ بزګرانو د سبو پنځه ډوله تخمونه او کیمیاوي او عضوي سرې ووېشل شوې.
د کندهار دکرنې ریاست چارواکو وویل: «د یادې مرستې لپاره د نوم لیکني لړۍ څو ورځې وړاندې د یوې رڼې او عادلانه پروسې له لارې ترسره شوې وه، چې اوس مهال هر بزګر ته لسګونه کیلوګرامه د بینډۍ، رومیان، بانجان، پیاز او قلفي اصلاح شوي تخمونه، ۵۰ کیلو توره سره، ۵۰ کیلو سپنه سره او ترڅنګ یې ۱۶۰ کیلو عضوي سره ووېشل شوه، ترڅو په روان کال کې د سبو کرنه ترسره کړي.
د یادې مرستې څخه موخه د اړمنو بزګرانو مالي ملاتړ، په لرو پرتو سیمو کې د سبو اصلاح شوي تخمونه دودول، د کرنیزو ځمکو له لارې د سبو اصلاح شوي کرنه ترسره کول او د اړمنو بزګرانو اقتصاد ته وده او پراختیا ورکول دي.
د یادونې وړ ده، چې تېره اوونې هم د کندهار د کرنې ریاست په هڅو، د ملګروملتونو د نشه یې توکو او جرمنو پر وړاندې د مبارزې ادارې له لوري، په ک  شاولیکوټ او ارغستان ولسوالیو کې سلګونو بزګرانو ته د پنبې اصلاح شوي تخمونه او کیمیاوي سرې وېشل شوې وې، ترڅو په یادو ولسوالیو کې د پنبې کرکېله ډېره شي.