د ننګرهار کوز کونړ کې د بېرې ځنګل ساتنې په موخه ولسي ټولنه جوړېږي
۳ غویی ۱۴۰۴ ه.ش
۲۵ شَوّالُ المُکَرَّم ۱۴۴۶ه.ق
د ننګرهار د کرنې، اوبو لګولو او مالدارۍ رییس مولوي محمد ولي محسن د کوزکونړ ولسوال مولوی روح الله حقمل سره دبېرو ځنګلونو ساتنې او پالنې په موخه وکتل.
د ننګرهار دکرنې مولوي محمد ولي محسن وویل، چې د ننګرهار د کرنې ریاست په همکارۍ د مؤسساتو له لورې په دې ولسوالۍ کې د بېرو ځنګل جوړ او د اوبخور منظم سیستم ورته نصیب شوي خو لدې وروسته باید ددې ځنګل پالنه او ساتنه د سیمې خلک وکړي، ځکه دمؤسسې وخت پوره شوي.
دواړو مسؤلینو پریکړه وکړه، چې ددې ملي شتمنۍ ساتنې او پالنې لپاره به ولسي تولنه جوړوي، ترڅو د ځنګل ساتنه وکړي.
یاد ځنګل په ۶۰ هکتاره ځمکه کې د خوړو نړۍوال پروګرام په مالي لګښت او د افغانستان راتلونکي نسلونو موسسې په تخنیکي همکارۍ څو کاله وړاندې کرل شوي.
