نورستان کې د سبو ننداریزې کروندې جوړې شوي
۳۱ وری ۱۴۰۴ ه.ش
۲۲ شَوّالُ المُکَرَّم ۱۴۴۶ه.ق
د نورستان دکرنې، اوبولګولو او مالدارۍ ریاست چارواکي وایي، چې د یاد ریاست په انګړ کې د بادرنګو، کچالو، مټر، سره ملۍ، پالک او یوشمېر نورو سبو ننداریزې کروندې جوړې شوي دي.
د نورستان دکرنې ریاست وایي، چې یادې ننداریزې کروندې په دغه ولایت کې د سبو د عصري کرکیلې د پراختیا او دودولو په پار جوړې شوې دي.
د نورستان د کرنې ریاست چارواکي وایي، چې په دغه ولایت کې د کرکیلې د پراختیا په موخه نور پروګرامونه هم لري، چې د نوي کال له پیل سم به یې عملي چارې پیل شي.
