د فراه ولایت فارمونو کې دکرنې زده کړیالانوته د عملي زده کړې زمینه براره شوې

د فراه د کرنې ریاست اړوند فارمونو کې د کرنې او مالدارۍ انسټیټوټ زده کړیالانو ته په عملي او نظري ډول د زده کړې زمینه برابره شوې ده.
د فراه ولایت دکرنې، اوبولګولو او مالدارۍ ریاست چارواکي وایي، چې ددې ولایت د کرنې انسټیټوټ زده کړیالان خپل پرکتیک دوره د دی ریاست اړوند فارمونو کې ترسره کوي.
ددې عملي زده کړو په ترڅ کې د فارم د بېلابېلو تجاربو،لکه د بڼونو او شنوخونو آفاتونو او ناروغیو پیژندل،د مختلفو قوریو څخه لیدنه، د ابولګولو نوی میتودونو لیدل، شاخه بری، زعفران او انجې ننداریزو کروندو په اړه د مسلکي کارکوونکو لخوا  زده کړیالانو ته هر اړخیز معلومات په عملي او نظري ډول ښود کېږي.
د چارواکو په خبره دغه چارې د زده کړیالانو په وړتیا کې د پام وړ بهبود او نوښت راولي .