لغمان کې د تخنیکي او مسلکي زده کړو زده کړیالانو ته دعملي زده کړې زمینه برابرېږي

۱۷ وری ۱۴۰۴ ه‍.ش
۸ شَوّالُ المُکَرَّم ۱۴۴۶ه‍.ق
د لغمان د کرنې ریاست او د تخنیکي او مسلکي زده کړو امریت ترمنځ زده کړیالانو ته دپرکتیک دورې په برخه کې دهمکارۍ تړون لاسلیک شو.
دهمکارۍ دغه تړون د لغمان د کرنې، اوبولګولواومالدارۍ رییس الحاج مولوي عبدالستارمحمد او د تخنیکي او مسلکي زده کړو امریت اړوند د مرکز او قرغیو ولسوالۍ د کثیرالرشتوي انستېتیوتونو امرینو له لوري په داسې حال کې لاسلیک شو چې د تخنیکي او مسلکي زده کړو دنظارت لوی مدیر عنایت الله فریاد، دمرکز د وترنرۍ  انستیتوت امر امرالله خاشیع، دقرغیو انستیتوت امر رایت خان راحل، اود مرکز دکثیرالرشتوي انستېتیوت تدریسي مرستیال زګی الکوزی هم شتون درلود.
د دې هوکړه لیک له مخې به د کثیرالرشتوي انستیتوت د پرکتیک دورې محصلینو ته د لغمان د کرنې، اوبولګولواومالدارۍ ریاست د مسلکي کارمندانو له لوري د کرنې او وترنرۍ په برخو کې عملي زده کړې ورکول کېږي.
د یادونې وړ ده، چې د لغمان دکرنې ریاست هر کال د یاد انستېتیوت سربېره د لغمان پوهنتون کرنې پوهنځۍ محصلینو سره د کرنې او وترنرۍ عملي زده کړو په برخو کې همکاري کوي.