میدان وردګو ولایت کې د نیالګیو وېش لړۍ پیل شوه
د میدان وردګو ولایت د کرنې، اوبولګولو او مالدارۍ ریاست له لوري د نیالګیو وېش لړۍ پیل شوه. د دې لړۍ په لومړۍ مرحله کې نږدې ۵زره بېلابېل نیالګي د عبدالله بن عباس رضياللهعنه مدرسې، سیداباد ښاروالۍ، دایمیرداد ولسوالۍ، د انتقالاتو لوا، د ګوربت خیریه ټولنې او ځینو نورو امارتي او عامه ادارو ته ووېشل شول.
یاده لړۍ لا هم روانه ده او د کرنې ریاست شاوخوا ۲۵زره نور نیالګي هم لري، چې په راتلونکو ورځو کې به مختلفو سیمو ته ووېشل شي.
د نیالګیو د وېش موخه د چاپېریال ښکلا، د خاورې د تخریب مخنیوی، د کاربن ډای اکسایډ جذب، د سیلابونو او شدیدو بادونو مخنیوی، د ایکوسیستم تعادل، د ځمکې لاندې د اوبو زېرمو زیاتوالی، د وحشي ژوو او الوتونکو لپاره د پناه ځایونو رامنځته کول، د اکسیجن تولید او د پاکې هوا تأمین ګڼل شوې، تر څو هېواد لا ښکلی شي.
