د کرنې وزارت د اراضۍ لوی رياست لخوا صنعت او سوداګرۍ وزارت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش ریاست د ځمکو د تبادلې آمر مولوی غلام فاروق امرخېل او د صنعت او سوداګرۍ وزارت د صنعتي پارکونو عمومي رییس قاري عبدالمجید قیام ګډون درلود، د اراضۍ لوی رياست لخوا صنعت او سوداګرۍ وزارت ته ځمکه ولېږدول شوه.
ياده ځمکه د صنعت او سوداګرۍ وزارت په غوښتنه او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد وزارت ته غزني ولايت قره باغ ولسوالۍ او باميان ولايت شيبر ولسوالۍ کې په ۱۷۰۰ جريبه ځمکه باندې د صنعتي پارکونو د جوړولو په موخه انتقال شوه.
د یادې ځمکې لېږد ټړون د کرنې وزارت د د اراضۍ ادارې د ځمکو د انتقال او وېش رياست د ځمکو د تبادلې آمر مولوي غلام فاروق امرخېل او د صنعت او سوداګرۍ وزارت د صنعتي پارکونو عمومي رييس قاري عبدالمجید قيام ترمنځ لاسلیک شوه.
