د میدان وردگو جلریز ولسوالی کې بزګرانو ته د مڼو نیالګي ووېشل شول
د میدان وردګو ولایت په جلریز ولسوالۍ کې د سټارز مؤسسې په همکارۍ او د ملګرو ملتونو د خوراک او کرنې سازمان اف اې او په مالي ملاتړ بزګرانو ته د مڼو نیالګي ووېشل شول.
د ۱۴۰۲ لمریز کال په ترڅ کې د جلریز ولسوالۍ ۲۰ بزګران د مڼو بڼونو د سروې برخه ګرځېدلي وو، چې هر یوه ته د یو جریب ځمکې لپاره ۱۶۷ مڼو نیالګي ورکړل شول. دغه راز، د ۱۴۰۳ لمریز کال لپاره د ۲۵ نورو بزګرانو سروې ترسره شوې وه، چې نن هر یوه ته ۷۰۰ نیالګي ووېشل شول.
په پای کې، بزګرانو ته د بڼونو جوړولو او اوبولګولو اړوند ضروري معلومات ورکړل شول، ترڅو نیالګي ښه وده وکړي او د حاصلاتو د زیاتوالي زمینه برابره شي.
