ننګرهار کې د بېرو د مصنوعي ځنګل ساتنې په موخه ناسته وشوه
۴ وری ۱۴۰۴ ه.ش
۲۴ رَمَضانُ المُبارَک ۱۴۴۶ه.ق
د ننګرهار د کرنې، اوبولګولو او مالدارۍ ریاست استازو د ننګرهار ولایت د اقتصاد رییس مولوي عطاء الرحمن فاتح سره د پرمختيايي پروژو د وضعیت او د بېرو د مصنوعي ځنګل ساتنې په هکله ناسته وکړه.
په دې ناسته کې د احصایي او معلوماتو د تنظیم امر قاري ذکریا سېلاب، دطبیعي سرچینو امر قاري کاهون عبدالرحمن اتل او «اف،جي،اې» مؤسسې مسؤلینو د کوز کونړ ولسوالی شګې کلي ته نږدې د ۸۰ هکتاره مصنوعي ځنګل د ساتنې پر لارو چارو تفصیلي بحث ترسره شو.
ګډونوالو د دې ځنګل د مراقبت، پراختیا او له احتمالي زیانونو د ژغورنې پر څرنګوالي نظریات تبادله کړل.
د یادونې وړ ده، چې د بېرو یاد مصنوعي ځنګل د چاپېریالي توازن ساتلو، د شاتو مچيو روزنې او اقتصادي پرمختګ په موخه کرل شوی، چې د مسئولينو په وینا د ساتنې لپاره یې لا زیاتو تدابیرو ته اړتیا ده.
