د کرنې وزارت د اراضۍ لوی رياست لخوا برېښنا شرکت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د د برېښنا شرکت د جایدادونو مدیر خالقیار نیازي ګډون درلود د اراضۍ لوی رياست لخوا برېښنا شرکت ته ځمکه ولېږدول شوه.
ياده ځمکه د برېښنا شرکت په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد شرکت ته نيمروز ولايت مرکز کې په ۴۰ جریبه ځمکه باندې د برېښنا د سب اسټیشن د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د برېښنا شرکت د جایدادونو مدیر خالقیار نیازي ترمنځ لاسلیک شوه.
