فراه کې د ځنګلي لرګیو د پرېکولو مخه ونیول شوه
۲۶ کب ۱۴۰۳ه.ش
۱۶ رَمَضانُ المُبارَک ۱۴۴۶ه.ق
د فراه دکرنې، اوبولګولو او مالدارۍ رییس الحاج مولوي شاه محمد حاجي سروری په لارښونه ددې ولایت د طبیعي سرچینو آمریت کارکوونکو له خوا د شیب کوه په ولسوالی کې د ځنګلونو او طبیعي سرچینو د خوندیتوب په موخه د هلوځلو په دوام په یاده ولسوالی کې د ځنګلي لرګیو د پرېکولو مخه ونیول شوه.
د فراه دکرنې ریاست چارواکي وایي، چې ددغو هلو ځلو په ترڅ کې په یاده ولسوالی کې یوشمېر کسان نیول شوي، چې غوښتل یې په غیرقانوني ډول ځنګلونه پرې کړي.
د فراه دکرنې ریاست چارواکي وویل، چې د ځنګلونو ساتنه د فراه ولایت د کرنې، اوبولګولو او مالدارۍ رياست له لومړيتوبونو څخه ده او چا ته اجازه نه ورکوي، چې ددې ولايت ځنګلونه تخريب او له منځه یوسي.
