پاکستان ته په غير قانوني ډول د څارویو د قاچاق مخه ونیول شوه
۲۳ کب ۱۴۰۳ه.ش
۱۳ رَمَضانُ المُبارَک ۱۴۴۶ه.ق
د کندهار ولايت د کرنې، اوبولګولو او مالدارۍ رياست وایي، چې ددې ولايت د امنيتي ځواکونو په همکارۍ د ریګستان ولسوالی ته څېرمه د۲۱۰ پسونو د قاچاق مخه ونېول شوه، چې په غير قانوني ډول پاکستان ته لېږدېدل.
د دوی په خبره په دې تړاو درې کسان نیول شوي هم دي او د لازیاتو څېړنیو لپاره اړوندو ارګانونو ته سپارل شوی دی.
دا په داسې حال کې ده، چې میاشت مخکې هم د کندهار په ولایت کې د سلګونو پسونو د قاچاق مخه نیول شوې وه.
باید وویل شي،هېڅوک حق نلري چې په غير قانوني ډول مالونه نورو هېوادونو ته ولېږدي.
د یادونې وړ ده، چې د کندهار کې تر بل هر وخت د څارویو بې کیفیته غوښه، درمل، واکسین او حیواني خوراکي د قاچاق ترڅنګ د څارویو قاچاق ته هم پاملرنه زیاته شوې.
