جلال آباد ښآر کې یوشمېر قصابیو څخه څارنه وشوه
۲۳ کب ۱۴۰۳ه.ش
۱۳ رَمَضانُ المُبارَک ۱۴۴۶ه.ق
د ننګرهار ولایت د کرنې، اوبولګولو او مالدارۍ ریاست ددې رياست اړوند د مالدارۍ خدمتونو او څارويو روغتيا امریت مسلکي ټیم د جلال آباد په ښار کې قصابیو څخه څارنه او کنټرول ترسره کړه.
دغه کنټرول څخه موخه په قصابیو کې د خرابو او غیر صحي غوښو د پلور مخنیوی او د حفظ الصحې مراعتول ښودل شوی دی.
ددې څارنې په ترڅ کې د مالدارۍ خدمتونو او څارویو روغتیا امریت کارکوونکو ټولو قصابانو ته په مسلخ کې د څارویو حلالو، غوښو ټاپه کولو، دوکانونو پاک ساتلو او نورو اړونده برخو کې لازمې سپارښتنې وکړې.
د ننګرهار کرنې او مالدارۍ ریاست چارواکي وایي، چې د جلال آباد ښار کې ۲۰۰ بابه قصابیو دوکانونه شتون لري، چې پکې سلګونه کسانو ته د کار زمینه هم برابره شوې ده.
