د لغمان مهترلام ښار کې د غیر روغتیايي غوښو د پلور مخنیوي په موخه څارنه وشوه
۱۴ کب ۱۴۰۳ه.ش
۴ رَمَضانُ المُبارَک ۱۴۴۶ه.ق
د لغمان ولایت د کرنې، اوبولګولو او مالدارۍ ریاست د لارښوونې پر بنسټ، د مهترلام ښار د قصابيو او چرګانو د خرڅلاو له مارکیټونو څخه د غیر روغتیايي او خرابو غوښو د پلور مخنیوي په موخه څارنه ترسره شوه.
دغه څارنه د څارویو روغتیا او مالدارۍ چارو آمر ډاکتر جوادالله علیزاده په مشرۍ، د څارویو روغتیا مدیر ډاکټر محمد نعمان اعظمي، د څارویو محصولاتو کنټرول مدیرانو او نورو مسلکي وترنر ډاکترانو له لوري وشوه.
د څارنې پر مهال قصابانو ته د څارویو د شرعي حلالولو، د غوښو ټاپه کولو، د هټیو د حفظ الصحې مراعتولو او اړوندو نورو برخو کې لازمې سپارښتنې وشوې. د یاد پروګرام موخه ټولنې ته د باکیفیته څارویو محصولاتو وړاندې کول دي.
