کندهار کې بزګرانو ته د کرنیزې ظرفیت لوړونې روزنه ورکړل شوه
د کرنې، اوبو لګولو او مالدارۍ وزارت په لارښوونه، د کندهار کرنې ریاست د کرنیزو چارو آمریت په تخنیکي همکارۍ د ځینو ولسوالیو بزګرانو ته د کرنیزې ظرفیت لوړونې روزنه ورکړه.
په دې روزنیز پروګرام کې بزګرانو ته د کرنیز ترویج پېژندنه، د اصلاح شویو تخمونو او کیمیاوي سرې د مناسبي استفادې، مؤثرو کرنیزو میتودونو، د زعفران، اقتصادي تیلي او صنعتي بوټو کرنې، تولید او ارزښت اړوند نظري روزنه ورکړل شوه.
د دې پروګرام موخه د بزګرانو کرنیز ظرفیت لوړول، میکانیزه کرنې ته د بزګرانو هڅول، د کرنیزو ځمکو مؤثره استفاده او د کرنې نوي میتودونه دودول دي.
د یادونې وړه ده، چې تېره ورځ هم د کندهار کرنې ریاست د شپږو ولسوالیو د ترویج او غله جاتو مدیرانو ته د کرنیزې ظرفیت لوړونې یو ورځنی سیمینار ترتیب کړی و.
