د پکتیا زرمت کې د مصنوعي القاح استیشنونو څارنه ترسره شوه
۱ کب ۱۴۰۳ه.ش
۲۰ شَعبان المُعَظّم ۱۴۴۶ه.ق
د پکتیا ولایت د کرنې، اوبولګولو او مالدارۍ ریاست د مالدارۍ او روغتیایي چارو آمریت کارکوونکو د زرمت ولسوالۍ د مصنوعي القاح ۱۲ استیشنونه وڅارل.
د دې څارنې موخه د غیر قانوني استراګانو د تطبیق مخنیوی، د اصلاح شویو نسلونو ترویج، د خارجي نسلونو مروجول او د غیر معیاري نسلونو د خپرېدو مخنیوی و. همدارنګه، اړوند ساحوي ډاکټرانو ته لازمې سپارښتنې وشوې، ترڅو د نسل پر اصلاح لا ډېر تمرکز وکړي.
