کابل کې د څارویو د ریخک ضد واکسین کمپاین پیل شو
د کابل ۹ ولسوالیو« پغمان، کلکان، شکر درې، قره باغ، ده سبز، سروبي، خاکجبار، چهاراسیاب او موسهي» کې د کرنې، اوبو لګولو او مالدارۍ ریاست په همغږۍ، د کرنې او خوراک نړیوال سازمان اف اې او د هالینډ کمېټې په مالي ملاتړ، د کوچیانو او نورو مالدارانو څارویو ته د ریخک (لیونتوب) ناروغیو د مخنیوي واکسین کمپاین پیل شو.
یاد کمپاین دکابل د کرنې ریاست د مالدارۍ خدمتونو او د څارویو د روغتیا امریت، د هالینډ کمېټې او اف اې او ولایتي استازو له لوري د څو څارویو په واکسین کولو رسماً پرانستل شو. د دې کمپاین په لړ کې به ۲۲زره او ۵۰۰ ډوزه څاروي د ریخک پر وړاندې واکسین شي.
د یادونې وړ ده چې تر دې وړاندې هم د یادو ناروغیو د مخنیوي په موخه په زرګونو څارویو ته واکسینونه تطبیق شوي دي.
