د هلمند ګرشک ولسوالی کي د کبانو د پېر-پلور له مارکیټ څخه لیدنه او څارنه وشوه
د هلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمر الحاج مولوي محمدعمر (ابویاسر) او نورو مسلکي کارکوونکو ګرشک ولسوالی کي د کبانو د پېر-پلور او پخلنځایونو څخه لیدنه او ارزونه ترسره کړه.
ددغه څارني پر مهال په ګرشک ولسوالی کې دیادو مارکېټونو د کبانو پخلنځیو او کاروباریانو ته جدي سپارښتنې شوې، چي پرته د فارمو له کبانو څخه، د عمومي سیند، زابرانو او کانالونو کي د طبیعي کبانو له ښکار څخه په کلکه ډډه وکړي، کوم اشخاص او افراد چي ورته عمل تکرار کړي هټۍ به یې تړل کېږي او عاملین به یې عدلي او قضایي ادارو ته ورپېژندل کېږي.
ددې ترڅنګ ځایي کب پلورونکو خپلې ستونزې او غوښتنې له اړونده مسؤلینو سره شریکې کړې، چې د حل په برخه کې ورته د همکارۍ ډاډ ورکړل شو.
