د هلمند ولایت مرکز لښکرګاه ښار کې یوشمېر قصابۍ وڅارل شوې

۲۸ سلواغه ۱۴۰۳ه‍.ش
۱۷ شَعبان المُعَظّم ۱۴۴۶ه‍.ق                       
د هلمند ولایت د کرنې، اوبولګولو او مالدارۍ ریاست اړوند د مالدارۍ خدمتونو او څارويو روغتيا امریت مسلکي کارکوونکو لخوا مرکز لښکرګاه ښار کې  له یو شمېر قصابیو څخه څارنه او ارزونه ترسره شوه.
په دې وروستیو کې د هلمند ولایت کرنې ریاست او لښکرګاه ښاروالۍ په ګډو همکاریو مرکز لښکرګاه کې د قصابیو هټۍ په مسلکي ډول تنظیم شوي دي، چې له مخې یې د چاپېریال د ککړتیا او بې نظمیو مخنیوی کې د پام وړ بهبود رامنځته شوی دی.
دیادې څارنې په ترڅ کې هغو قصابانو ته چې په مسلخ/مذبح کې یې څاروي نه حلالول ورته سپارښتنه وشوه، چې په راتلونکي په نورو ځایونو کې څاروي حلال نکړي.
د دغې څارنې او ارزونې موخه د خرابو او غیر صحي غوښو د پلور مخنیوی، د قصابیو لا ښه تنظیم، د حفظ الصحې مراعتول او اړونده قصابانو ته په مسلخ (مذبح) کې د څارویو د حلالولو توصیه ده.
ددې څارنې په ترڅ کې د هلمند د کرنې ادارې مسلکي کارکوونکو لخوا د  قصابیو اړوندو هټیوالو ته په بېلابېلو برخو کې لازمې سپارښتنې هم وشوې.