دننګرهار وادي کرنیز شرکت د کرنیزو ځمکو پراختیا په پار هلې ځلې کوي
۲۵ سلواغه ۱۴۰۳ه.ش
۱۴ شَعبان المُعَظّم ۱۴۴۶ه.ق
د ننګرهار وادي کرنیز شرکت چارواکي وایي، چې ددې ریاست اړوند هغه شاړې او غونډۍ(بلندآبه نه همواره ځمکې) چې له کلونو را په دې خوا شاړې پاتې دي کرکېلي ته چمتو کوي.
دننګرهار وادي کرنيز شرکت مسوولين ددې چارې موخه د کرنیزو ځمکو پراخول، د چاپېریال ښه کول او خلکو ته د کار زمینې برابرول په ګوته کوي.
مسؤلین وايي، د ځمکو د ابادولو لپاره د اوبو لګولو منظم سيستمونو، کرنې برخې او مالټه بڼونو جوړولو ته ځانګړې پاملرنه کېږي.
د سیمې اوسېدونکي د دې اقدام هرکلی کوي او هیله لري چې دا به د اقتصاد او ژوند شرایط ښه کړي.
په ورته وخت کې د ننګرهار وادي کرنيز شرکت مسوولين ټینګار کوي، چې د سیمې خلکو ته د دې پروژې له لارې د پایدارې پراختیا امکانات برابرېږي، او تمه لري چې نورې شاړې ځمکې هم په راتلونکو میاشتو کې ابادې شي.
