د کندهار نېش کې د چکډېم رغنیزې چارې بشپړ او ګټې اخیستنې ته وسپارل شو
۲۰ سلواغه ۱۴۰۳ه.ش
۹ شَعبان المُعَظّم ۱۴۴۶ه.ق
د کندهار د کرنې، اوبو لګولو او مالدارۍ ریاست په هڅه، د ملګرو ملتونو دخوړو او کرنې ادارې په مالي او د «او،اچ،ډبلیو» مؤسسې په تخنیکي همکارۍ، د کندهار د نېش ولسوالی د سرداغ په سیمه کې د ۶ زره او ۱۰۶ امریکایي ډالرو په ارزښت د اوبو زېرمه کولو یو چکډېم جوړ او ګټې اخیستنې ته وسپارل شو.
یاد چکډېم، چې ۳۲ متره اوږدوالی او ۳.۶ متره لوړوالی لري، رغنیزې چارې یې په ۴۰ ورځو کې بشپړ شوي، چې د دې چکډېم د جوړېدو په ترڅ کې لسګونو کسانو ته په فني او غیر فني برخو کې د کار زمینه برابره هم شوې وه.
د دې چکډېم جوړولو موخه د سیمهییزو اوسېدونکو لپاره د کار زمینې برابرول، د باراني اوبو راټولول، او د ځمکې لاندې اوبو د سطحې لوړول دي، چې له امله به یې ګڼ شمېر بزګران او مالداران ګټه واخلي.
د یادونې وړ ده، چې تر ډې وړاندې هم د کندهار د کرنې ریاست تر چتر لاندې، د ملګرو ملتونو د خوړو او کرنې ادارې په مالي ملاتړ، د ۴۰ زره ډالرو په ارزښت ۱۵ زره د اوبو زېرمه کولو کندې جوړې او ګټې اخیستنې ته وسپارل شوې.
