د ننګرهار دکرنې ریاست؛ ختیځ لبنیاتو کارخونو کې د مالدارانو دپورونو تثبیتولو او ارزونې په موخه څېړنې ترسره شوې

۲۰ سلواغه ۱۴۰۳ه‍.ش
۹ شَعبان المُعَظّم ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست له لورې ټاکل شوي پلاوي د ختیځ لبنیاتو اړوند کوپراتیفونواو مالدارانو ستونزو حل او پورونو تثبیتولو په موخه د شینوارو، بټي کوټ، سره رود، بهسود او کامي ولسوالیو کوپراتیفونو استازو او مالدارانو سره وکتل.
ددې لیدنې په ترڅ کې د ختیځ لبنیاتو اړوند کوپراټیفونو پر ستونزو ننګونو خبرې اترې شوې.
بل خوا د ختیځ لبنیاتو کارخونې مسؤلین د بازار نشوالې او د خلکو اقتصادې ستونزي د فابریکي پر وړاندې جدې ننګونې بولی او د مالدرانو د ستونزو د حل ډاډ ورکوي.
همدارنګه د کرنې ریاست پلاوي دختیځ لبنیاتو کارخونې او په ولسوالیو کې کوپراتیفونو ته د وسایلو موجودۍ  دسالمي ساتني، د کوپراتیفونو قوانینو، کړنلارو عملي کولو، پورونو ترلاسه کولو او د مالدارانو د پورونو ورکړي سپارښتني وکړي.
 د ختیځ لبنیاتو کارخونه چې څو کاله وړاندې د ملګرو ملتونو دخوړو او کرنې ادارې له لورې د کرنې ریاست سره په همغږۍ د ختیځ زون مالدارانو د شېدو پروسس او مالدارانو اقتصادي پیاوړتیا لپاره جوړه کړې وه.