شمال لودیځ زون کې د صنعتي پارکونو د جوړولو په موخه د پنځو ولایتونو د ځمکو د تثبیت چارې بشپړې شوې
۱۴ سلواغه ۱۴۰۳ه.ش
۴ شَعبان المُعَظّم ۱۴۴۶ه.ق
د عالیقدر امیرالمومنین (حفظه الله تعالی) د ځانګړي حکم په اساس د هېواد په شمال لودیځ زون (سمنګان، سرپل، جوزجان او فاریاب) ولایتونو کې په زر زر جريبه او بلخ ولايت کې په شل زره جریبه ځمکه باندې صنعت او سوداګرۍ وزارت لپاره د صنعتي پارکونو د جوړولو په موخه د ځمکو د تثبيت چارې بشپړې شوې.
په دغه پروګرام کې، چې د کرنې وزارت د اراضۍ لوی ریاست لخوا په لاره اچول شوې وه د اراضۍ لوی ریاست د ارزونې، استملاک او بيا مېشتېدنې رییس مولوي حضرت محمد طیب او د دغه ولايتونو د کرنې، کور او ښارجوړونې، اطلاعاتو او کلتور، ښاروالۍ، مصتوفیت، کانونو او پټروليم او صنعت او سوداګرۍ ریاستونو مسؤلين شتون درلود د يادو ځمکو د تثبيت اسنادونه په رسمي بڼه لاسلیک او دغه سندونه به د نورو اجراآتو په موخه مرکز ته واستول شي.
په پای کې د يادو ولایتونو مسؤلينو په خپلو ولاياتو کې ددغه مسؤلیت د پایلې څخه خوښي څرګنده کړه او دا کار يې د هېواد د پرمختګ او هېواد والو ته د کار د زمينې برابرولو په برخه کې ښه اقدام وباله.
