د هلمند ګرشک کې د نیالګیو روزلو قوریې چارې وارزول شوې
۴ سلواغه ۱۴۰۳ھ.ش
۲۳ رَجَب المُرَجَّب ۱۴۴۶ه.ق
د هلمند ولایت دکرنې، اوبولګولو او مالدارۍ ریاست اړوند د طبیعي سرچینو آمریت کارکؤنکو په داسي حال کې، چي د یادې ولسوالی د کرنیزو چارو مدیریت مسؤلینو هم حضور درلود ددغه ولسوالی مرکزي قوریی له چارو څخه لیدنه او ارزونه تر سره کړه.
د یاد سفر پر مهال د هلمند دکرنې ریاست د طبیعي سرچینو آمریت کارکؤنکو د نیالګیو روزلو د قوریې چارې وارزولې او د وروستیو پرمختګونو په اړه یې د ځایي مسؤلینو د کړنو ستاینه وکړه او په یاده برخه کي د مسؤلینو غوښتنې، اړتیاوې او وړاندیزونه واورېدل او ژمنه یې ورکړه، چي دکرني ریاست مقام سره په همغږۍ به یې ستونزو ته پر وخت رسېدنه ووشي.
دیادولو وړ ده، چي د هلمند دګرشک ولسوالی د نیالګیو روزنې قوریه کې زرګونه نیالګي تر روزنې لاندې دي، چي راتلونکي کال ته به بڼوالو او ځمکوالو ته ووېشل شي.
