میدان وردګو ولايت کې د ځمکو د تثبيت چارې بشپړې شوې
د عالیقدر امیرالمؤمنین (حفظه الله تعالی) د حکم په اساس صنعت او سوداګرۍ وزارت لپاره د هېواد په کچه په هر ولايت کې د زر جريبه ځمکې د تثبيت او انتقال په پار د صنعتي پارکونو د جوړولو په موخه د يو شمېر ولايتونو تر څنګ میدان وردګو ولایت کې هم د ځمکو تثبيت چارې بشپړې شوې.
په دغه پروګرام کې چی د کرنې وزارت لخوا په لاره اچول شوی د اراضۍ ادارې د غير رسمي ښاري سيمو د ثبت رییس مولوي عبدالصمد پاڅون، د ميدان وردګو والي او د دغه ولايت د مختلفو څانګو مسؤلينو په شتون کې د يادې ځمکې د تثبيت اسنادونه په رسمي بڼه لاسلیک او دغه سندونه به د نورو اجراادآتو په موخه مرکز ته واستول شي.
په پای کې د میدان وردګو ولایت مسؤلينو په یاد ولايت کې ددغه کار د پایلې څخه خوښي څرګنده کړه او دا کار يې د هېواد د پرمختګ او آبادی په برخه کې ښه ګام وباله.
