د هلمند خانشین کې د څارویو د خوندیتوب په پار د واکسینو کمپاین پیل شو

۲۵ مرغومې ۱۴۰۳ھ.ش
۱۴ رَجَب المُرَجَّب ۱۴۴۶ه‍.ق
د هلمند ولایت د کرنې، اوبو لګولو او مالدارۍ ریاست په هڅو، د ملګرو ملتونو د خوړو او کرنې ادارې په مالي همکارۍ ددې ولایت د خانشین ولسوالی پر زرګونو څارویو د طاعون، طبق او پوستکي ناروغیو د مخنیوي په پار د واکسینونو کمپاین پیل شو.
ددې کمپاین په ترڅ کې په دې ولسوالی کې ټول شپږ زره ډوزه واکسینونه شامل دي، چې لویو او وړو څارویو ته پلي کېږي.
دغه واکسینونه به دهغو حیواني روغتیا پالانو لخوا پلي شي، چې د کرنې ریاست په همکارۍ یې مخکې مسلکي زده کړې ترلاسه کړي دي، چې ورته د مالدارۍ او حیواني روغتیا آمریت لخوا یاد واکسینونه په واک کې ورکړل شول.
 یاد کمپاین د څارویو د وژونکو ناروغیو د مخنیوي لپاره پلان شوی، چې موخه یې د طاعون، پوستکي، خولې او پښو ناروغیو د کچې راټیټول، د څارویو روغتیا خوندي کول، او د مالدارانو اقتصادي زیانونو کمول دي. 
د دې واکسینونو له تطبیق سره به د څارویو شېدو او غوښې تولید نورمال پاتې شي، او د ناروغیو د خپرېدو مخنیوی به پر وخت ترسره شي.