ننګرهار کې د افغانستان راتلونکي نسلونو مؤسسې د کارونو مؤثریت او همغږۍ په موخه ناسته ترسره شوه

۲۰ مرغومې ۱۴۰۳ه‍.ش
۹ رَجَب المُرَجَّب ۱۴۴۶ه‍.ق
د افغانستان راتلوونکي نسلونو مؤسسې(اف،جي،اې)  مرکزي دفتر د څارني او ارزوني عمومي رییس او د ختیځ زون مسؤلینو د ننګرهار د کرنې رییس سره دکارونو همغږۍ، پروژو مؤثریت او روڼتیا په موخه وکتل.
د افغانستان راتلوونکي نسلونو مؤسسې د څارني او ارزوني رییس انجینر ګل انور انوري د کرنې رییس مولوي محمد ولي محسن څخه د مننې ترڅنګ د خپلو ترسره کړو،روانو او راتلونکي فعالیتونو په برخه کې رڼا واچوله .
نوموړي وویل، چې ددوی د راتګ موخه د تېرو فعالیتونو ارزول، ستونزو په نښه کول، روڼتیا، حل لارو پیداکول او په راتلونکي کې د ګټورو پروژو پلی کول دي.
هغه زیاته کړه، چې په راتلونکي پسرلي کې د روداتو، بهسودو او کوټ ولسوالیو کې د بېرو، شفتالو، ګل بېد او ستروسو  بڼونه جوړي.
د ننګرهار کرنې، اوبو لګولو او مالدارۍ رییس مولوي محمد ولي محسن په ننګرهار کې د (اف،جي،اې)  کارونه مؤثر وبلل او په راتلونکی د نورو پروژو غوښتنه وکړه.
ښاغلي محسن د بېرو ځنګلونو، بڼوالۍ، کانالونو، سړو خونو، شنو خونو،اصلاح شوي تخمونو، وزو او شېدو غواګانو د وېش غوښتنه وکړه؛ چې د مؤسسې د مسؤلینو له لورې د همکارۍ ډاډ ورکړل شو.
د افغانستان راتلونکي نسلونو مؤسسې په ننګرهار کې د کانالونو جوړولو، بېرو ځنګلونو، اصلاح شوي تخمونو، قالین اوبدلو او نورو اړونده برخو کې کار کوی، چې سلګونه هېوادوالو ته پکي د کار زمینه هم برابره شوې ده.
دغه راز په یاده ناسته کې د احصایي، ارقامو او معلوماتو دتنظیم امر قاري سېلاب ذکریا او د پلان مدیر عطاءالحق بشري هم برخه لرله.