د خوست علیشیرو او تریزیو کې پر ۲۵۹ مستحقو بزګرانو د غنمو اصلاح شوی تخمونه او کیمیاوي سرې ووېشل شوې
۱۹ مرغومې ۱۴۰۳ه.ش
۸ رَجَب المُرَجَّب ۱۴۴۶ه.ق
د خوست ولایت کرنې، اوبو لګولو او مالدارۍ ریاست په همکارۍ د او.آر.ډي مؤسسې په ملاتړ، ددې ولایت د علیشیرو او تریزیو ولسوالی پر ۲۵۹ مستحقو بزګرانو د غنمو اصلاح شوي تخمونه او کیمیاوي سرې ووېشل شوې.
د دې پروګرام له مخې هر بزګر ته ۵۰ کیلو ګرامه اصلاح شوی تخم، ۵۰ کیلو ګرامه توره سره او ۵۰ کیلو ګرامه سپینه سره ووېشل شوه.
دا اصلاحشوي تخمونه په منځنۍ کچه د کرنیزو حاصلاتو د ۲۰ څخه تر ۳۰ سلنې زیاتوالي لامل کېږي.
یاده دې وي چې یاده مووسسه به بزګرانو ته د خپلو کارمندانو له لارې تخنیکي روزنه هم برابره کړي، ترڅو د اصلاح شویو تخمونو او سرې اغېز په ښه توګه عملي شي.
