د کرنې او ترانسپورت وزارتونو ترمنځ د ځمکې لېږد تړون لاسلیک شو
۱۵ مرغومې ۱۴۰۳ه.ش
۴ رَجَب المُرَجَّب ۱۴۴۶ه.ق
د کرنې، اوبو لګولو او مالدارۍ وزارت د اراضۍ لوی ریاست د ۲۵۰ جریبه ځمکې د لېږد تړون د ترانسپورت او هوايي چلند وزارت سره لاسلیک کړ.
دغه ځمکه د سمنګان ولایت مرکز او خلم ولسوالۍ کې موقعیت لري او د تېز پارکونو د جوړولو لپاره ځانګړې شوې ده. د لېږد لړۍ د ترانسپورت او هوايي چلند وزارت د ۱۹/۱۱/۱۴۴۵ نېټې (۱۹۶) ګڼې وړاندیز او د عالیقدر امیرالمؤمنین (حفظه الله تعالی) د ۱/۱۲/۱۴۴۵ نېټې (۵۸۷۹) ګڼې حکم پر بنسټ ترسره شوې ده.
د ځمکې د لېږد تړون د کرنې وزارت د اراضۍ لوی ریاست د ځمکو د انتقال او وېش رئیس مولوي سید محمد سعید او د ترانسپورت او هوايي چلند وزارت د پروژو د پلانګذارۍ، تحقیق، او تطبیق رئیس ډاکتر رستم حفیظیار ترمنځ لاسلیک شو.
د دې ځمکې لېږد موخه د تیر پارکونو جوړول دي، چې د ترانسپورت او هوايي چلند وزارت د پلانونو په چوکاټ کې د سیمې پرمختګ او اقتصادي وضعیت د ښه والي لپاره مهم بلل کېږي.
