د دویم کانال د لومړي سيفون بیارغونې چارې په چټکۍ روانې دي
۲۷ لېندۍ ۱۴۰۳ه.ش
۱۵ جُمَادَى الثاني۱۴۴۶ه.ق
د ننګرهار وادي کرنيز امارتي شرکت د کرنيزو او تخنيکي چارو رییس انجینر محمد جميل «خوشحال» وايي چې د تېرې ورځې ځينو ستونزو له امله د دویم کانال لومړي سيفون ځينې برخې تخريب او زیانمنې شوې وې، خو د بیارغونې او جوړونې چارې یې په چټکۍ روانې دي.
ننګرهار وادي کرنيز امارتي شرکت د دې مسیر میشتو اهالیو، اجارهلرونکو او کروندګرو څخه مننه کړې چې د ستونزې په جریان کې یې له زغم څخه کار اخیستی. شرکت ډاډ ورکوي چې د سيفون بیارغونه به ډېر ژر بشپړه شي او د سیمې د خلکو د اړتیا وړ اوبه به بېرته په عادي ډول ورته ورسول شي.
دغه سيفون د سیمې د کروندو او ځمکو خړوبولو لپاره ځانګړی اهمیت لري.
