دهلمند بولان څېړنیز فارم کې په غنمو او اوربشو څېړنې روانې دي 

۱۷ لېندۍ ۱۴۰۳ه‍.ش
۶ جُمَادَى الثاني۱۴۴۶ه‍.ق
دهلمند ولایت د کرنې، اوبولګولو او مالدارۍ ریاست اړوند بولان څېړنیز فارم کې د غنمو او وربشو ۱۲ سیټه ملي او نړۍوالو تجربو پلان (دتخمونو داصلاح ، اګرانومي او ناروغیو) په برخه کې بشپړ شوي دي.
همدارنګه په یاد فارم کې  د مورنیو تخمونو لاسته راوړلو په موخه  په ۴۶زره متره مربع ځمکه کې د څېړنو او ارزونو چارې ۸۰ سلنه سرته رسیدلي دي، چې په پایله که به یې ۱۶۰ زره او ۱۰۰  کیلو ګرامه د غنمو مورني تخم ترلاسه شي.
ددې ترڅنګ دلیګومي نباتاتو په برخه کې همدا مهال پنځه ډوله نخودو، درې ډوله عدس، څلور ډوله شړشم او د  زغرو د دریېو ډولونو ننداریزو قطعاتو او مورنیو تخمونو کرنه ترسره شوې ده.
د یادولو وړ ده، چې دا مهال د بولان څېړنیز فارم کې ګڼې نورې تجربې هم د مسلکي کارکوونکو لخوا تر څېړنو لاندې دي، چې پر وخت به یې ټولې چارې تر سره شي.