میدان وردګو کې د دویم ځل لپاره دڅارویود پوستکي ناروغۍ پر وړاندې د واکسینو کمپاین پیل شو

د  میدان وردګو ولایت دکرنې، اوبولګولواو مالدارۍ ریاست دملګرو ملتونو دخوړو اوکرنې ادارې په همکارۍ د یاد ولایت د مرکز په ګډون په ټولو ولسوالیو کې د دویم ځل لپاره د څارویو دپوستکي ناروغۍ پر وړاندې د واکسین کمپاین پیل کړی دی.
دغه پروسه چې د «اف،اې،او»  په مالي همکارۍ ترسره کېږی، چې په ترڅ کې به یې د میدان وردګو په ولایت کې ۲۱ زره ډوزه واکسین پر څارویو پلي کېږي.
یاد کمپاین به ۱۵ ورځې دوام وکړي، چې موخه یې د څارویو د لمپي سکین ناروغۍ له منځه وړل دي.
د لمپي سکین ناروغي د غواګانو او ګاو مېښو یوه ویروسي ناروغي ده، چې د حشراتو د چیچلو له لارې خپریږي، یاده ناروغي له انسانانو د بوټانو، جامو، اړینو وسایلو او سامانونو له لارې خپرېږي.
د نوموړې ناروغۍ له امله حیوانات ډنګرېږي، وزن له لاسه ورکوي او د څارویو پوستکي تخریبېږي، ددې تر څنګ په وخیمو حالاتو کی غولانځې پړسېږي چی له دی سره د شېدو تولید کمېږي.