د فراه کرنې ریاست کې زده کړیالانو ته د عملي زده کړې زمینه برابره شوې
۱۶ لړم ۱۴۰۳ه.ش
۴ جُمَادَى الأول ۱۴۴۶ه.ق
د فراه دکرنې ریاست اړوند څېړنیزو فارمونو کې د کرنې او وټرنرۍ انسټیټوټ زده کړیالانو ته په عملي او نظري ډول د زده کړې زمینه برابره شوې ده.
د فراه دکرنې ریاست چارواکي وايي، چې ددې ولایت د کرنې او وټرنرۍ انسټیټوټ زده کړیالانو ددې شرکت څېړنیزو فارمونو څخه وخت ناوخت لیدنه کوي، چې ددغو لیدنو په ترڅ کې ددې ولایت دکرنې انسټیټوټ زده کړیالانو ته د عملي او نظري زده کړې زمینه برابره شوه.
ددې عملي زده کړو په ترڅ کې د فارم د بېلابېلو تجاربو، مورنیو او هستیو تخمونو د روزلو او مېوه لرونکو بڼوڼو او د ونو پيوند په اړه زده کړیالانو ته معلومات ورکول کېږي..
