د ننګرهار د کرنې رییس د نه انلوس مؤسسې مشرې سره وکتل

۱۲ لړم ۱۴۰۳ه‍.ش
۳۰ رَبِیعُ الْثاني ۱۴۴۶ه‍.ق
د ننګرهار د کرنې، اوبو لګولو او مالدارۍ رییس مولوي محمد ولي محسن د خپل کار په د فتر کې د نه انلوس مؤسسې له مشرې سوزانا او نورو همکارانو سره په ننګرهار کې د کرنې او مالدارۍ په برخه کې د اړتیا پر اساس د پروژو ډیزاین کولو، روانو او راتلوونکو فعالیتونوپه موخه خبرې اترې وکړې.
  د ننګرهار د کرنې، اوبو لګولو او مالدارۍ رییس مولوي محمد ولي محسن د ایټالیا هېواد او خلکو مرستو څخه د مننې ترڅنګ خپلې غوښتنې، وړاندیزونه راتلوونکي پلانونه د مؤسسې له مسؤلینو سره شریکه کړه.
ښاغلي محسن د سوزانا څخه  په ننګرهار کې د ځنګلونو بیا رغولو، جلغوزیو، چهارمغزو او بېرو ځنګلونو د کرلو غوښتنه وکړه.
نوموړې همدارنګه د سړوخونو، شنوخونو جوړولو، بڼوالۍ، چکډېمونو جوړولو، اصلاح شوي تخمونو،خوسکیو، وزو، واکسینونو او نورو برخو کې د همکاریو غوښتنه هم وکړه.
په ورته وخت کې، د ننګرهار د کرنې رییس د مؤسسې مسؤلینو ته په ټولو قانوني برخو کې د همکارۍ او همغږۍ ډاډ ورکړ.
دغه راز ددې لیدنې په ترڅ کې، د نه انلوس مؤسسې مسؤله سوزانا د ننګرهار د کرنې رییس د رغنیزو پلانونو هرکلۍ وکړ او په بېلابېلو برخو کې  اړتیا ته په کتو د پروژو د ډیزاین او پلي کولو ژمنې وکړې.
آغلې سوزانا وویل په نږدې راتلوونکي کې د ننګرهار په بهسود، کامه، سره رود او دره نور ولسوالیو کې لسګونو ناچاره خلکو ته د شېدو غواګانې او پروسس وسایل وېشي. سوزنا زیاته کړه: «ستاسو د غوښتنواو وړاندیزونه په اساس به په راتلونکی کې په ننګرهار کې پروژې ډیزاین او پلي کېږي.»
په یاده ناسته کې د کرنیزو خدمتونو، طبیعي زېرمو امرینو، کرنې ریاست سلاکار، د پلان مدیر او د مالدارۍ امریت استازو هم خپلې ستونزې، غوښتنې او وړاندیزونه شریک کړل.