کندهاره څخه په لومړي ځل قزاقستان هېواد ته انار صادر شوه

د کندهار د صنعت او سوداګرۍ ریاست د معلوماتو پر اساس، په لومړي ځل د کندهار ولایت څخه قزاقستان هېواد ته ۲۳ ټنه انار صادر شول.
یاد انار چې ټول ۲۳ ټنه جوپه وه. د قزاقستان هېواد د یو سوداګر له لوري د تورغونډۍ بندر له لارې د یاد هېواد الماتا ښار ته صادر شوي دي. قزاقستان ته د انارو صادرولو تړون یاد هېواد ته د افغان پلاوي د سفر کولو پر مهال د یاد هېواد له خصوصي سکټور سره لاسلیک شوی دی.
د یادونې وړ ده، چې د کندهار څخه د ۱۴۰۳ هـ.ش کال په اوږدو کې د قزاقستان په ګډون، متحده عربي امارات، هند، انګلستان، قرغیزستان، لبنان او پاکستان هیوادونو ته هم تر ۶ زره ټنه زیات انار صادر شوي دي او لاهم د انارو صادرات روان دي.