بغلان ولایت ته د کرنې وزارت د کرنیزو څېړنو پلاوي سفر
۵ لړم ۱۴۰۳ه.ش
۲۳ رَبِیعُ الْثاني ۱۴۴۶ه.ق
د کرنې وزارت د کرنیزو څېړنو لوی رییس مولوي نصرت الله طلحه، د فارمونو آمر ښاغلي محمد یعقوب مسعود، د اګرانومي آمر ښاغلي میرویس داودي په ګډون پلاوي د کرنیزو څېړنو انسټیټوټ لوی رییس الحاج مولوي نصرت الله په مشرۍ د کرنیزو څېړنو عمومي مدیریت څخه لیدنه او ارزونه وکړه. پلاوي د مدیریت د راتلونکي پلان د ښه تطبیق لپاره لارښوونې وکړې. همدارنګه یې د بغلان ولایت د کرنې او مالدارۍ رئیس، الحاج مولوي رحیم الله احدي او د بغلان والي الحاج مولوی عبدالرحمن راشد، سره یې هم په راتلونکي کې د ستونزو د حل په موخه وکتل.
د یاد سفر په ترڅ کې د کرنیزو څېړنو عمومي مدیریت د سږني پلان د تطبیق، د عوایدو د سرچینو څارنې، او د باکیفیته تخمونو د تولید په اړه بحثونه وشول.
په پای کې د بغلان والي او د کرنې او مالدارۍ رئیس د هر ډول همکارۍ ډاډ ورکړ او ټینګار یې وکړ چې زراعت یوازینی سکتور دی چې کولی شي زموږ د ملت په دسترخوان کې مثبت بدلون راولي.
