د هلمند دکرنې رییس له بزګرانو د اضافي غنمو د پېر د تخلیې له پروسې لیدنه وکړه 

ا لړم ۱۴۰۳ه‍.ش
۱۹ رَبِیعُ الْثاني ۱۴۴۶ه‍.ق
د هلمند ولایت د کرنې، اوبولګولو او مالدارۍ رییس مولوي نیازمحمد وهاج ددې ولایت مرکز لښکرګاه کې له بزګرانو د اضافي غنمو پېر د تخلیې پروسې څخه له نږدې لیدنه وکړه.
ددغې لیدنې پر مهال  د مازادو غنمو پېرلو او معاینې پلاوي، چې په ترکیب کې یې د ولایت مقام استازي مفتي روحاني، د کرنې، اوبولګولو او مالدارۍ وزارت استازی انجنیر غلام فاروق، د لښکرګاه ښاروالۍ استازی نعمت الله وفا او د سوداګرۍ او صنعت ریاست استازی عبدالحی مطمئن هم حضور درلود.
د هلمند دکرنې رییس د معاینې پلاوي ته وویل، چې د طرزالعمل مطابق دې له بزګرانو غنم تسلیموي، د اړونده زېرمتون مسؤلینو ته یې د منظمو قطارونو جوړولو، د قطارونو ترمنځ د فاصلې مراعتولو او په منظم ډول د یادو غنمو د حفظ او مراقبت په برخه دې خپله پاملرنه لا زیاته کړي.
دیادولو وړ ده، چې هلمند کي د عالیقدر امیرالمؤمنین حفظه الله په ځانګړي حکم له بزګرانو ٥٥١٠ متریک ټنه غنم پېرودل کېږي، چې دیادې پروسې چارې د ګډې کمېټې له لورې په عملي ډول پیل شوي دي.