د خوست نادرشاه کوټ کې ۳۰۸ مستحقو بزګرانو ته د اصلاح شویو تخمونو او کیمیاوي سرو وېش وشو
د خوست ولایت د کرنې، اوبو لګولو او مالدارۍ ریاست تر چوکاټ لاندې د نادر شاه کوټ ولسوالی کرنیزو چارو عمومي مدیریت د ناک مووسسې په همکارۍ په نادر شاه کوټ ولسوالۍ کې ۳۰۸ مستحقو بزګرانو ته د اصلاح شويو غنمو تخمونه او کیمیاوي سرې ووېشلې.
د دې وېش موخه د بزګرانو د حاصلاتو لوړوالی او کرنیزو فعالیتونو پیاوړتیا ده. چارواکي وايي چې د اصلاح شويو تخمونو وېش به د بزګرانو په اقتصادي وضعیت کې ښه والی راولي او د حاصلاتو کیفیت به لوړ کړي.
ناک مووسسه، چې د کرنیزو پروژو په برخه کې کار کوي، په دې سیمه کې له کروندګرو سره د همکارۍ لپاره ژمنه ده او د یادو مرستو د دوام یادونه کوي.
