د لوګر دکرنې رییس د مالدارۍ فارم څخه لیدنه وکړه
۲۸ تله ۱۴۰۳ه.ش
۱۶ رَبِیعُ الْثاني ۱۴۴۶ه.ق
د لوګر ولایت د کرنې، اوبو لګولو او مالدارۍ رییس مولوی عبدالرؤف سعید په داسې حال کې، چی د مالدارۍ څانګې آمر یې هم ملیتا کوله د مرکز پُل علم اړوند وزیر کلا کې د څارویو فارم څخه لیدنه وکړه.
دغه فارم د لوګر اوسیدونکی جنرال مبین خان لخوا جوړ شوی، چې پکې لسګونه ډوله څاروي ساتل کېږي او په کې لسګونه کسانو ته د کار زمینه برابره شوې ده.
د لوګر دکرنې او مالدارۍ رییس مولوی عبدالرؤف سعید د فارم مسؤولینو اوکارکوونکو ته د حفظ الصحې او په فارم کې د څاریو ساتلو اړوند لازمې لارښوونې او سپارښتنې وکړې او د فارم د مسؤول دغه اقدام یې نیک وباله ورته یې د هر راز همکارۍ ډاډ ورکړ.
باید وویل شی په دی ورستیو کې په دغه ولایت کې شخصي فارمونه زیات شوي، چې دکرنې ریاست هم د مالدارۍ سکټور پراختیا او د خصوصي سکټور د ملاتړ په پار له دوی سره هراړخیزې مرستې او همکارۍ کوي.
