د عشر او زکات ریاست پلاوی د لوګر عشر او زکات کارکوونکو سره وکتل

۲۶ تله ۱۴۰۳ه‍.ش
۱۴ رَبِیعُ الْثاني ۱۴۴۶ه‍.ق
دکرنې، اوبو لګولو او مالدارۍ وزرات د عشر او زکات ریاست پلاوی چی مشري یې د عشر او زکات د انسجام رییس مولوي نصرالله مظهري کوله د لوګر مرکز او ولسوالیو د عشر او زکات کارکوونکو سره وکتل.
دغه غونډه، چې د لوګر ولایت د کرنې او مالدارۍ ریاست د غونډو تالار کې جوړه شوی وه راغلي پلاوي دعشر او زکات دعوایدو په شفاف ډول ټولولو، دتېر کال او سږ کال عوایدو پرتله کولو په موخه خبرې اترې وکړې.
د عشر او زکات د انسجام رییس وویل د عشر او زکات لوي ریاست غواړي چې په ولایتونو او ولسوالیو کې د عشر او زکات کارکوونکو ستونزي، لاسته راوړني، راتلونکي پلانونو او په شفاف ډول د عوایدو راټولولو کې ددوي د کارونو څخه څارنه ترسره کړي.
ښاغلي مظهری وویل، چې دوی د مرکز سربېره د ولسوالیو د عشر او زکات مدیرانو ستونزو حل په موخه ولسوالیو ته سفرونه ترسره کوي، ترڅو معلومه کړي چې په کومه برخه کې مدیران ستونزي لری؛ ترڅو دحل لاره ورته ولټول شي.
نوموړې وویل د تېر کال او سږ کال عوایدو ټولولو او د پرچو تطبیق په موخه دبزګرانو سره هم ناستې ترسره کوي.
د لوګر د کرنې، اوبو لګولو او مالدارۍ رییس مولوي عبدالروف سعید راغلو مسؤلینو ته دښه راغلاست ترڅنګ د هر راز همکارۍ ډاډ ورکړ.