د کانال شرکت رییس د ازبیکستان د نباتي تخمونو او ناروغیو متخصص تورکین اقا سره وکتل
٢۴ تله ۱۴۰۳ه.ش
۱۲ رَبِیعُ الْثاني ۱۴۴۶ه.ق
د ننګرهار کانال شرکت رییس سېد محمد نعیم «محمدي » په داسې حال کې، چې د یاد شرکت د سوداګرۍ او بازارموندنې چارو رییس انجنیر ندې الله نیازی او د یاد شرکت ویاند سید همایون غریبمل یې ملیتا کوله د ازبیکستان د نباتي تخمونو او ناروغیو متخصص توکین آقا سره دخپل کار په دفتر کې وکتل.
ددې لیدنې په ترڅ کې د فني او مسلکي برخې پر پیاوړتیا، وړتیا لوړونه، ګډ کار کول، کرنیزو تخمونو ترویج ، د اصلاح شوو تخمونو کښت او ترویجول، د کرنې میکانیزه کول، د اوبه خور د څاڅکو سیستم برخې ته پاملرنه او یوشمېر نورو موضوعاتو باندې خبرې اترې وشوې.
په همدې حال کې د ننګرهار کانال شرکت رییس سېد محمد نعیم «محمدي » یادو چارواکو ته د هرکلی ترڅنګ دوی ته په يادو شوو برخو کې د بشپړ ملاتړ ډاډ ورکړ.
